O pan do traballador...

HOMÍNIDO TECNOLÓXICO

http://filo-cafes.blogspot.com/2011/04/filo-cafe-informeria-contributos.html

Mamíferos primates

Australopiteco afarense

Australopiteco robustus

Homo habilis

Homo erectus

Homo sapiens neanderthalense

Homo sapiens sapiens

Home de Cro-Magnon

Homo consumista

Homo shopping

Homo globalizado

Homo virtual

Homo produto

Homo moderno

Homo individualista

Homínido tecnolóxico

Somos unha variación gradual e progresiva

unha acumulación de mutacións xenéticas,

ou sociais ou do medio físico, somos unha especie

antropomorfa e evolutiva

un homo imperfecto e natural

un proxecto inacabado, euterios xerarquizados

nunha escala social.

Somos o que deberiamos ser?

Poboacións competitivas e divididas

en primates engulidos por máquinas,

seres agresivos e maliciosos

solitarios caníbales subxugados

pola materia que nos deforma na nada.

Somos férreos criterios e soidades

vivindo en nós mesmos sen saír de nós,

pasamos dunha bacteria a un homo

en milleiros de anos

e acabamos sendo devorados

por ordenadores e realidades virtuais

camiñando pola rede ficticia.

Os ratos destrúen neuronas

as sinapses son febles por estaren viciadas

as sinapses son retardadas por seren innecesarias

as células grises quedan pechadas en baúis

e perdidos minimizamos esforzos

para sermos produtivos.

Pequenos roedores rillan a esencia

que se oxida da nosa idiosincrasia

e dominados pola tecnoloxía mudamos

en animais insociábeis, retrocedendo

na evolución da parte humana

somos monitores en cores,

Homínidos tecnolóxicos.